മലയാളി യുവതിയെ കുവൈത്തില് നിന്നും ഇന്റര്പോള് അറസ്റ്റ് ചെയ്തു സൗദിയിലേക്ക് കൊണ്ട് പോയതായി സംശയം. കണ്മുന്നില് വെച്ച് പൊലീസ് പിടിച്ചുകൊണ്ടു പോയ യുവതിയെ അന്വേഷിച്ച് വിവിധ കേന്ദ്രങ്ങള് കയറി ഇറങ്ങുകയാണ് ഭര്ത്താവ്. കുവൈത്ത് കോടതി അങ്കണത്തില് നിന്നാണ് ഇവരെ അറസ്റ്റു ചെയ്തത്.
2012 ജൂണിലാണ് തിരുവനന്തപുരം സ്വദേശി സഫീര്ഖാന് ഭാര്യ നുസൈഫ ബീവിയെ കുവൈത്തിലേയ്ക്കു കൊണ്ടുവരുന്നത്. ഈ മാസം 12 നാണ് കുവൈത്ത് കോടതി അങ്കണത്തില് നിന്നു യുവതിയെ പൊലീസ് അറസ്റ്റു ചെയ്തത്. മുമ്പ് ഇവര് സൗദി അറേബ്യയില് ജോലിക്കു നിന്നിരുന്ന വീട്ടില് നടന്ന കവര്ച്ചയുമായി ബന്ധപ്പെട്ടാണ് അറസ്റ്റെന്ന് പറയപ്പെടുന്നു. എന്നാല് ഇക്കാര്യത്തില് സൗദിയിലെ ഇന്ത്യന് എംബസിയില് നിന്നു യാതൊരു സ്ഥിരീകരണവും ലഭിച്ചിട്ടില്ല. എംബസിയില് പരാതി നല്കിയെങ്കിലും കാര്യമായ പ്രതികരണങ്ങളൊന്നുമുണ്ടായില്ല
No comments:
Post a Comment